Өнөөдөр Гал түймэртэй тэмцэх байгууллага үүсч хөгжсөний 101 жилийн ой тохиож байна

-ТҮЙМЭРТЭЙ-ТЭМЦЭХ-БАЙГУУЛЛАГЫН-101-ЖИЛ.jpg

Онцгой байдлын байгууллагын үндэс суурь болсон Монгол Улсад Гал түймэртэй тэмцэх байгууллага үүсч хөгжсөний 101 жилийн ойн баяр өнөөдөр тохиож байна.

Монгол Улсад 1922 оны 1 дүгээр сарын 13-ны өдөр Жанжин Сүхбаатарын санаачилгаар усан хөөрөгний газар гэж Гал түймэртэй тэмцэх байгууллагын тулгын чулуу тавигдаж байлаа. Онц чухал обьект буюу Тухай үеийн 11 үйлдвэрийн газрын түшиглэн гал түймэртэй тэмцэх  гэрээт тасаг, гал  командыг байгуулагдсаны нэг нь Хөвсгөл аймагт  1934 онд /тухай үеийн / Хатгал хотод Ноос угаах үйлдвэрийн гал эсэргүүцэх гэрээт харуулын хэсэг 10 хүний бүрэлдэхүүнтэй, ГАЗ-51, ЗИС-5 автомашинтайгаар байгуулагдаж байв.

Монгол Улсын Засгийн газрын 2005 оны 48 дугаар тогтоолоор Гамшгаас хамгаалах ерөнхий газрыг Онцгой байдлын ерөнхий газар болгон өөрчилснөөр Хөвсгөл аймагт ГАМШГААС ХАМГААЛАХ ШТАБЫГ ОНЦГОЙ БАЙДЛЫН ХЭЛТЭС болгон өөрчилөв.     

Засгийн газрын 2015 оны 3 дугаар сарын 9-ний өдрийн 80 дугаар тогтоолоор Хөвсгөл аймгийн Онцгой байдлын хэлтсийг ОНЦГОЙ БАЙДЛЫН ГАЗАР болгон өргөтгөж үйл ажиллагаагаа явуулж байна.

Хөвсгөл аймгийн Онцгой байдлын газар нь Захиргаа санхүү, Урьдчилан сэргийлэх тасаг, Мөрөн сум дахь Гал түймэр унтраах, аврах 27 дугаар анги, Тариалан сум дахь Гал түймэр унтраах, аврах 46 дугаар анги,  Хатгал тосгон дахь Гал түймэр унтраах, аврах 69 дүгээр анги, Цагаан-Уул сум дахь Гал түймэр унтраах, аврах 73 дугаар анги, Галт сум дахь Гал түймэр унтраах, аврах 76 дугаар анги, Эрэн хайх аврах салбар, Улсын нөөцийн салбар гэсэн бүрэлдэхүүнтэйгээр аюулт үзэгдэл, ослоос урьдчилан сэргийлэх, авран хамгаалах, хор уршгийг арилгах, хойшлуулашгүй сэргээн босгох арга хэмжээнд идэвх санаачилга, үр бүтээлтэй ажиллаж, хуулиар хүлээсэн үүргээ нэр төртэй гүйцэтгэж байна.

ГАЛ ТҮЙМЭРТЭЙ ТЭМЦЭХ БАЙГУУЛЛАГА ҮҮСЧ ХӨГЖСӨНИЙ 101 ЖИЛИЙН ОЙН МЭНДИЙГ НИЙТ БИЕ БҮРЭЛДЭХҮҮНДЭЭ ХҮРГЭЖ, АЖИЛ ХӨДӨЛМӨРИЙН ӨНДӨР АМЖИЛТ ХҮСЬЕ.

scroll to top